Sunday, September 7, 2014

ഓണം മെമ്മരീസ് (ഫ്രം 90s)


കാലത്തിനൊത്ത് ഓണവും മാറിട്ടുണ്ട്. അതിനു കുഴപ്പമില്ല.

പക്ഷെ ടി വി ഓണ്‍ ചെയ്യാന്‍ ടൈം കിട്ടാത്ത, രാവിലെ തന്നെ തലേന്ന് അരിഞ്ഞു വെച്ച പൂക്കള്‍ കൊണ്ട് പൂക്കളം ഇട്ടു, 
വീട്ടില്‍ വെക്കേഷന് അമ്മാത്ത് വന്ന കസിന്‍സിന്റെ കൂടെ കളിക്കാന്‍ ഓടുന്ന, ക്രിക്കറ്റും അക്കാശവും ഭൂമിയും, സെവന്‍ സ്റൊന്ന്സും, ഒളിച്ചു  കളിച്ചും ക്ഷീണിക്കുമ്പോള്‍ മാത്രം അടുക്കളയില്‍ കയറുന്ന ഓണക്കാലം!
 അത് ഞാന്‍ മിസ്സ്‌ ചെയ്യുന്നു.

അമ്മയും അമ്മായിമാരും അടുക്കളയില്‍ കഷ്ടപ്പെടുനുണ്ടായിരുന്നു എന്ന് എനിക്ക് തോന്നിയിട്ടില്ല. അവര് വിശേഷവും നാട്ടുവര്‍ത്തമാനങ്ങളും പറഞ്ഞു ഈസി ആയാണ് അവിടെ എല്ലാം ഒരുക്കി ഇരുന്നത്.

പായസം പുറത്തു വിറകുഅടുപ്പില്‍ വെക്കാന്‍ അമ്മാവന്മാരും മൂത്ത ഏട്ടന്മാരും റെഡി.

ഊണ് കഴിഞ്ഞു കാര്‍ന്നോമ്മാരുടെ കൂടെ 56 കളിക്കാന്‍ കൂടാന്‍ എത്രപേര്‍ക്ക് ഭാഗ്യം കിട്ടും.
ട്രംപ് ഏതാണെന്ന് പിള്ളേരു ആക്ഷന്‍ വഴി തമ്മില്‍ പറയാതിരിക്കാന്‍ അവരെ ഒരു ഗ്രൂപ്പില്‍ ആക്കില്ല. എത്ര ജാക്കി കയ്യില്‍ വന്നാലും അവസാനം മച്ചിങ്ങയും ജോക്കറും ഒക്കെ ചെവിയില്‍ തൂക്കി ഇറങ്ങിപ്പോരേണ്ടി വരും.
(ജയിക്കുന്നോരുടെം തോല്‍ക്കുനോരുടെം ഇടെലുള്ള ഈ പെട്ടിക്കണക്ക് എനിക്കിന്ന് വരെ മനസ്സിലായിട്ടില്ല)   

ഓണക്കാലത്തെ കാറ്റിലും മഴെത്തും രാത്രി കറന്റ്‌ പോകും എന്നത് മൂന്നുതരം. എപ്പോ ഇടിവെട്ടുന്നുന്നു നോക്കി കത്തിപ്പോവാന്‍ ഒരു ട്രന്സ്ഫോര്‍മെറും ആ നാട്ടില്‍ ഉണ്ടാരുന്നു. പിന്നെ മൂന്നാം ഓണം കഴിഞ്ഞാലെ എലെട്രിസിറ്റി ആപ്പീസില്‍ ആള് വരൂ. കറനറും.
ജെനെരെട്ടര്‍ ഒന്നും ആയിട്ടില്ല. ഇവെര്റെര്‍ന്റെ ചാര്‍ജ് ആദ്യത്തെ ദിവസം തന്നെ തീരും. ടി വി ഇല്ലാത്ത രാത്രികളില്‍ ഓരോരുത്തരുടെ മോണോആക്ടും, പാട്ടും. അന്തക്ഷരിയും ഒക്കെ ഓണത്തിന്റെ ഭാഗമാണ്. പാട്ടിലും അന്തക്ഷരിയിലും സിനിമപ്പെരു കളിയിലുമൊക്കെ എല്ലാരും ഉണ്ടാവും.

പിന്നെ കുട്ടികള്‍ കിടക്കുന്ന നേരത്ത് ഇത്തിരി പ്രേതകഥകളും അനുഭവങ്ങളും ഒക്കെ പറഞ്ഞു പേടിപ്പിചില്ലെങ്കില്‍ ഏട്ടന്മാര്‍ക്കു സമാധാനമുണ്ടാകില്ല.

അവസാനം മയങ്ങിതുടങ്ങുമ്പോള്‍ ഒച്ചയെടുത്തു പേടിപ്പിക്കാനും അവര് തന്നെ വരും.

ഒരാഴ്ച എങ്കിലും ഇത് പോലെ ഇല്ലെങ്കില്‍ ഓണമാകുമോ?

ആര്‍ക്കെങ്കിലും ഇത് പോലെ ഓണം ഇന്ന് സ്വപ്നം കാണാനെങ്കിലും പറ്റുമോന്നു സംശയമാണ്.         

Friday, September 5, 2014

ചില അധ്യാപകദിന ഓർമ്മകൾ !


എല്ലാ അധ്യാപകകാരും ഒരേപോലെ സ്വാധീനിക്കും എന്ന് പറയാൻ പറ്റില്ല. 

പക്ഷെ എന്നെ പഠിപ്പിച്ച മിക്ക ടീച്ചേഴ്സിനും എന്നെ ഓര്മ്മ കാണണം!  

സിസ്റ്റെർമാരു പഠിപ്പിക്കുന്ന സ്കൂളിൽ ഇത് പോലെത്തെ അധികം എണ്ണം അവരു കണ്ടിരിക്കാൻ ഇടയില്ല.

എനിക്കിപ്പോഴും എന്ത് തെറ്റിന്റെ  പേരിലാ ഓരോ പ്രാവശ്യോം  ഞാൻ ഹെഡ്മിസ്ട്രെസ്സ്നെ കാണാൻ പോയെന്നു മനസ്സിലായിട്ടില്ല.

ടീച്ചർമാരെ കണ്ടു പഠിക്കണം എന്നല്ലേ പറയാറ്? ടീച്ചര് ക്ലാസ്സിൽ എന്നെ ചോക്ക് എറിഞ്ഞപ്പോ അടുത്ത ക്ലാസ്സിൽ അതെ ടീച്ചറെ ഞാൻ  ചോക്ക് എറിഞ്ഞു.  അതൊരു തെറ്റാണോ?  പക്ഷെ ആ ടീച്ചർ നന്നായി, എന്നെ പിന്നെ ചോക്ക് എറിഞ്ഞിട്ടില്ല.  

ക്ലാസ്സിൽ സംസാരിക്കുന്നവർക്ക് രണ്ടു രൂപാ ഫൈൻ എന്ന് പറഞ്ഞാ നമ്മള് അഡ്വാൻസു അഞ്ചു രൂപാ കെട്ടി വെച്ച് സംസാരിക്കും. അല്ല പിന്നെ! 

എല്ലാവർക്കും സംശയം ഉണ്ടായിരുന്ന കാര്യമാ ഈ സിസ്റ്റെർമാരു കുളീം നനേം ഒന്നും ഇല്ലെന്നു. ഒന്ന് അറിയാൻ വേണ്ടി ഇത്തിരി മഷി കുടയുന്നത് തെറ്റാണോ?

സത്യവായും ഞാൻ കോപ്പി അടിച്ചിട്ടില്ല. എന്റെ ആൻസർഷീറ്റ് വേറെ കുട്ടി അവളുടെ പേപ്പറിന്റെ കൂടെ കെട്ടി വെച്ചതിനും ഞാൻ ഹെഡ് മിസ്ട്രെസ്സിനെ കാണേണ്ടി വന്നു. 

എന്റെ പോക്കിരി കാർഡില് ഞാൻ കള്ള ഒപ്പിട്ടട്ടില്ല. പക്ഷെ വേറെ കുട്ടികളെ സഹായിക്കുന്നത് തെറ്റാണോ? അവര് തല്ലു കൊള്ളതിരിക്കാനല്ലേ. ഇതൊന്നും ആ ടീച്ചർമാർക്ക് മനസ്സിലാവൂല.

കോണ്‍വെന്റിൽ പൊളിറ്റിക്സ് ഉണ്ടാക്കി എന്നാ ചീത്തപ്പേരും (നല്ല പെരാന്നെ ഞാൻ പറയു)  കൊണ്ട് പത്തിൽ അവിടെ നിന്നും ഇറങ്ങീപ്പോ എനിക്കും ടീച്ചർമാര്ക്കും ഒരേപോലെ വിഷമമാരുന്നു. 

അത് കഴിഞ്ഞു വല്ല ഗോവെര്മെന്റ്റ് എന്ജിനീരിംഗ് കോളേജിലും എന്നെ ചേർത്താ മതി എന്ന് കാലു പിടിച്ചു കരഞ്ഞിട്ടും  ഫാദർ ഓഫ് മഞ്ജു കേട്ടില്ല. 

ഇതിലും വല്യ കോണ്‍വെന്റ് കോളേജിൽകൊണ്ട് ചെന്നാക്കി. എന്നിട്ട് എന്തായി? 

എല്ലാ 2 വീക്ക്‌ കൂടുമ്പോഴും വീട്ടിൽ നിന്ന് വന്നു 

"ഇല്ല സാർ അവളോട്‌ ഞാൻ പറയാം" 
"ഇനി ഉണ്ടാവില്ല" 
"ഇനി വരേണ്ടി വരില്ല"  എന്നൊക്കെ പറയേണ്ടി വന്നത്  കാർന്നൊർടെ ഗതികേട്. 
അപ്പോഴേ പറഞ്ഞതാ എന്നെ ഇവിടെ വിടണ്ടാന്നു. കക്ഷി കേട്ടില്ലല്ലോ. 


കമ്പ്യൂട്ടർ ലാബിലെ 2  മൗസ് ബാൾ  എടുത്തത്‌ ഞാൻ ആണെന്ന് അവരെങ്ങനെ കണ്ടു പിടിച്ചു എന്ന് എനിക്കിതു വരെ മനസ്സിലായിട്ടില്ല. 

ഹോസ്റ്റൽ വാർടനെ അവരുടെ റൂമില് പൂട്ടി ഇട്ടതും ഞാനല്ല. പക്ഷെ ഈ ചെയ്യാത്ത തെറ്റിനും എന്റെ കാർന്നൊരു വരേണ്ടി വന്നു.  

ക്ലാസ്സിൽ ഒരു പ്രോക്സി കൊടുക്കുന്നതോ, ലൈബ്രറി ബുക്കിലെ നാല് പേജു കീറുന്നതോ ഒന്നും വേറെ ഒരു കോളേജിലും ക്രിമിനൽ കുറ്റമൊന്നും അല്ലല്ലോ?


ഒരു മെക്കനികൽ സർ ഉണ്ടായിരുന്നു , കക്ഷിടെ ഭാര്യയും അവിടെ തന്നെ പഠിപ്പിക്കുന്നു. കുട്ടികൾ ഇല്ലാത്ത അവർക്ക് ഭർത്താവു ഏതേലും പെണ്‍കുട്ടികളോട് സംസാരിക്കുന്നത് കണ്ടാൽ  സംശയമാ. ഞാൻ കാരണം എത്ര തവണ ആ സാർ ചീത്ത കേട്ട് കാണും 


അധ്യാപക - ശിഷ്യ ബന്ധം പരിപാവനം ആണ്. ഉവ്വ! എത്ര പിള്ളേര് സാറന്മാരെ ലൈൻ അടിച്ചെക്കുന്നു. ഒരെണ്ണം കെട്ടി കെട്ടീല  എന്നായപ്പോഴാ അവള് അമേരിക്കെലോട്ടു വിട്ടേ. 

ഏറ്റവും വലിയ തമാശ ഫൈനൽ സെമെസ്റ്ററിൽ,  മദർ ഓഫ് മഞ്ജു  എച് ഓ ഡി യെ കണ്ടപ്പോഴാണ്. 

മലയാളം അറിയാത്ത എച്ചോടി , അമ്മേടെ തൊഴുതു ,ഇങ്ങനെ ഒരു മകളെ ഉണ്ടാക്കി വളർത്തിയതിനു തമിഴിൽ നന്ദി പറഞ്ഞപ്പോഴാണ്. 

പാവം എന്റെ മദർ. തമിഴൻറെ  ഏതോ രീതി ആണ് എന്ന് കരുതി ചിരിച്ചോണ്ട് തിരിച്ചു തൊഴുതു. എച്ചോടി പ്ലിംഗ്!    

പക്ഷെ.. എന്നെ പഠിപ്പിച്ചു നന്നാക്കാൻ ശ്രമിച്ച എല്ലാ ടീച്ചർമാരേം സാറന്മാരേം എനിക്ക് നല്ല ഓർമ്മയുണ്ട്. അടുത്ത ജന്മത്തിൽ നിങ്ങള് സ്ടുടെന്റും ഞാൻ ടീച്ചറും ആവും. നോക്കിക്കോ 

.  

Sunday, August 31, 2014

റേപ്പിനുള്ള ലൈസെന്‍സ്

ഇന്ത്യയില്‍ ഏറ്റവും കൂടുതല്‍ റിപ്പോര്‍ട്ട്‌ ചെയ്യപ്പെടാത്ത റേപ്, ഭര്‍ത്താവിനാല്‍ പീഡിപ്പിക്കപ്പെടുന്നതാണ്.
പക്ഷെ അത് റിപ്പോര്‍ട്ട്‌ ചെയ്താലും കാര്യമില്ല. വെറും ഡോമെസ്റിക് വയലന്‍സിലാണ് ഇന്ത്യയില്‍ Marital rapeനു സ്ഥാനം. പക്ഷെ സാധാരണ റേപ് ക്രിമിനല്‍ കുറ്റമല്ലെ? കേസ് ആക്കിയാല്‍ പ്രശ്നം എവിടെ വേണേലും എത്തും എത്തിക്കാം.

അതെന്താ അങ്ങനെ?

എങ്ങനെ ആണേലും റേപ് റേപ് തന്നെ അല്ലെ? പീടിപ്പിക്കപ്പെടുന്നത് പെണ്ണും ചെയ്യുന്നത് ആണും ആണെങ്കില്‍ പിന്നെ അത് ഭര്‍ത്താവായാലും അച്ഛനായാലും, അമ്മാവന്റെ മകനായാലും എന്താ വത്യാസം?

ഒരു താലിയുടെ ബലത്തില്‍ അല്ലെങ്കില്‍ പെണ്‍കുട്ടിയുടെ മാതാപിതാക്കളുടെ സമ്മതത്തോടെ അവളെ എന്ത് ചെയ്താലും 
അതില്‍ കുഴപ്പമില്ല എന്നാണോ

അതോ അവളെന്‍റെ ഭാര്യയാണ് എനിക്കവളെ എന്തും ചെയ്യാം, ഓവരാകരുത് എന്നാണോ നിയമം അനുവദിക്കുന്നത്?

അതോ അവള്‍ക്കു ഭക്ഷണവും സംരക്ഷണം കൊടുക്കുനത് ഞാനാ അപ്പൊ എനിക്കതൊക്കെ ആവാം, എന്നോ?

അങ്ങനെ ആണെങ്കില്‍ ഈയിടെ പൊങ്ങിവന്ന അച്ഛനും അമ്മയും മകളെ പീഡിപ്പിക്കാന്‍ കൂട്ടുനിന്നു എന്ന പറുവൂര്‍ പീഡനകേസ് എങ്ങനേം വ്യഖ്യനിക്കാലോ. അച്ഛനല്ലേ ഭാര്താവിലും കൂടുതല്‍ സംരക്ഷണവും ഭക്ഷണവും കൊടുക്കുന്ന വ്യക്തി?

വേറെ വഴിയില്ലാതെ മദ്യപിച്ചു വരുന്ന ഭര്‍ത്താവിനു വഴങ്ങിക്കൊടുക്കുന്ന സ്ത്രീകള്‍ കേരളത്തില്‍ തന്നെ അപൂര്‍വ്വമൊന്നും അല്ല.
നാളേം ഇങ്ങേരുടെ കൂടെ തന്നെ ജീവിക്കണമല്ലോ, വേറെ വഴിയില്ല എന്നാ കാരണം കൊണ്ട് മാത്രം ഇതൊക്കെ സഹിക്കുന്നവരും ഉണ്ട്‌.

മിണ്ടാതെ, ഒന്നും ആരോടും പറയാതെ, എല്ലാം ഉള്ളിലൊതുക്കി പിറ്റേ ദിവസം രാവിലെ ഭര്‍ത്താവിനു  ചായ ഇടുന്ന പെണ്ണുങ്ങള്‍ എല്ലാ തട്ടിലും ഉണ്ട്. അതിനു സ്വന്തം ജോലി ഉണ്ടെന്നോ, ഫെമിനിസ്റ്റ് ആണെന്നോ പൈസ കൂടുതല്‍ ഉണ്ടെന്നോ, ഇല്ലെന്നോ ഉള്ള വത്യാസമില്ല.

അങ്ങനെ ഉള്ളവരെ ആരും തിരിച്ചറിയുന്നില്ലല്ലോ. അവരൊന്നും ഒരിക്കലും പരാതിയായി മുന്നോട്ടു വരികയുമില്ല. സ്വന്തം അച്ഛനും അമ്മയും വരെ അവളെ പിന്തുണച്ചു എന്ന് വരില്ല. കേസ് ആക്കിയാലും ശൂ......

പക്ഷെ ഇന്ത്യ എന്താണിങ്ങനെ?33.333% സ്ത്രീ സംവരണം പ്രസംഗിച്ചു നടക്കുമ്പോള്‍ ഇതുപോലുള്ള പ്രാകൃത നിയമങ്ങള്‍ എന്ത് കൊണ്ട് മാറുന്നില്ല?

വികസനം ചുമ്മാ അങ്ങ് ഒരു ദിവസം വന്നു വാതിലില്‍ മുട്ടില്ല. അധികം പഴക്കമില്ലാത്ത വാര്‍ത്ത‍യാണ്.

ഇതൊരു റഫറന്‍സ്നു വേണ്ടി മാത്രം.



     Marital rape is criminalized
     Marital rape is criminalized only if the couple is legally separated
     Marital rape is a form of non-criminal domestic violence
     Marital rape is known not to be criminalized


അമേരിക്ക പോലെ ആകരുത്, അറബ് രാജ്യം പോലെ ആയാല്‍ മതി  എന്ന് വാദിക്കുന്നവര്‍ക്ക് ഒന്ന് കൂടെ പറയാം. Marital rape നമുക്ക് non-criminal domestic violence അല്ലാതാക്കാമോ എന്ന് നോക്കാം.

എന്തെ?


 

Blog Template by BloggerCandy.com