Thursday, August 21, 2014

വിരൽപ്പാടുകൾ ഇല്ലാത്തവർ

"മഞ്ജൂ" 

ഒരു അപരിചിത ശബ്ദം കേട്ട് മോവീലീന്നു തല ഉയരത്തി നോക്കി 

"മഞ്ജു അല്ലെ ? " 

തീര്ത്തും അപരിചിതനല്ല. പക്ഷെ ഓർത്തെടുക്കാനും കഴിയുന്നില്ല. 

ആണെന്നോ അല്ലെന്നോ പറഞ്ഞില്ല. അതിനു മുൻപേ ആ കക്ഷി വീണ്ടും പറഞ്ഞു തുടങ്ങി. 

" താനേത് ഗുദാമിലായിരുന്നെടോ? ആരോട് ചോദിച്ചാലും ഒരു വിവരോമില്ലല്ലോ തന്നെപ്പറ്റി"

ഇപ്പോഴും അന്തം വിട്ടു നിക്കുന്ന എന്നെക്കണ്ട്  അവസാനം കക്ഷി സ്വയം പരിചയപ്പെടുത്തി.

"മനസ്സിലായില്ല? ഞാനാടോ പ്രവീണ്‍, മേലോത്തെ, അനില്സാറിന്റെ ട്യുഷന് ഉണ്ടാരുന്നില്ലേ " 

" ഓ, പ്രവി , താനങ്ങു തടിച്ചല്ലോ. കണ്ടിട്ട് മനസ്സിലായെ ഇല്ല "
  അവസാനം എനിക്ക് സംഗതി കത്തി. 

" പിന്നെ എല്ലാരും തന്നെപ്പോലെ ആണോ? " 

ഒരു നാല് മിനുറ്റിൽ എനിക്കിത്രേം മനസ്സിലായി. 
കക്ഷി ഇവിടെ ഒരു മാസത്തേക്ക് വന്നതാ. ഒരു കൊല്ലം കക്ഷിയുടെ കല്യാണം ക്ഷണിക്കാൻ എന്റെ വീട്ടില് വിളിച്ചു പിതാജിടെന്നു കുറച്ചു %^$£&^%*£(*  കേട്ടു എന്നും പറഞ്ഞു.  

കാർന്നൊർക്കൊരു മാറ്റോമില്ല! 

പിന്നെ ഞാൻ ഫേസ് ബുക്കിൽ ഇല്ലാത്തതിന് കുറെ പരിഭവങ്ങളും.

എന്തായാലും എന്റെ വിശേഷങ്ങൾ ചോദിക്കുന്നതിനു മുൻപ് എനിക്കിറങ്ങേണ്ട സ്ഥലം ആയി. 

എന്തായാലും വിളിക്കാം, വൈകീട്ട് കാണാം എന്നൊക്കെ പറഞ്ഞു കക്ഷിടെ ഫോണ്‍ നമ്പർ വാങ്ങി പുറത്തിറങ്ങിയപ്പോൾ എനിക്കുറപ്പായിരുന്നു, അതൊക്കെ ചുമ്മാതാണെന്ന്.

കാൽപ്പാടുകൾ പതിപ്പിക്കാതെ നടന്നു നീങ്ങുമ്പോൾ ഞാൻ ഓർത്തത്‌ ഒന്ന് മാത്രം 

നാളെ രാവിലെ പ്രര്തിക്കണം പഴയ പരിചയക്കാരെ ഒന്നും കാണല്ലേ എന്ന്.

പ്രാർത്ഥിക്കുവാൻ ഓരോരുത്തർക്കും ഓരോ കാരണങ്ങളുണ്ട്!  




Tuesday, August 19, 2014

ഇന്നലെകളില്ലാതെ...................

ഓര്‍മ്മകള്‍ എപ്പോഴും നല്ലതാണോ? എന്തോ, എനിക്കങ്ങനെ തോനുന്നില്ല. ഓര്‍ക്കനിഷ്ടപ്പെടുന്നതൊക്കെ ഒരുപാടുള്ളവര്‍ക്ക് ഭൂതകാലം എന്നുമൊരു അനുഭൂതി ആയിരിക്കും, എന്നും ഭൂതകാലത്ത് ജീവിക്കാന്‍ ആഗ്രഹിക്കുന്നവരും ഉണ്ടാകും.

പക്ഷെ എത്ര ആഗ്രഹിച്ചാലും ഉരുണ്ടു പോയ കാലചക്രത്തിന്റെ മുറിപ്പാടുകള്‍ മായ്ക്കാന്‍ കഴിയാതെ ഇന്നുകള്‍ ജീവിക്കാന്‍ കഴിയാത്തവരും മറന്നുപോകുന്നവരും ഉണ്ട്, ഇല്ലെ?
എത്ര ശോചനമാണ് അത്തരം ജീവിതങ്ങള്‍ എന്ന് നമുക്ക് ഊഹിക്കനെ കഴിയില്ല!

ചിലര്‍ പൊരുതി മുന്നേറും, എല്ലാം മറന്നുകളഞ്ഞു എന്ന് മറ്റുള്ളവരെ ബോധിപ്പിക്കാന്‍ എന്തും ആകാം, പക്ഷെ അവരതില്‍ എത്രത്തോളം സക്സെസ്സ് ആകുമെന്ന് അവര്‍ക്കെ അറിയൂ.

മുഖംമൂടികള്‍ മാറി മാറി അണിയുന്ന അവരില്‍ പലരെയും ആരും തിരിച്ചറിഞ്ഞെന്നു വരില്ല. അതിനുള്ള ചാന്‍സ് അവര് കൊടുക്കില്ല.
വേണമെന്ന് എത്ര ആഗ്രഹിച്ചാലും ഇന്നലകളില്‍ നിന്ന് മോചനമില്ലാതെ, അതിന്റെ തടവില്‍ ഇന്നുകളും, ഒരു ജന്മവും നിരര്‍ത്ഥമാക്കുന്ന

അവര്‍ക്ക് വേണ്ടി.....................


എന്തോ ഇത്രയെങ്കിലും പറയണം എന്ന് തോന്നി.     

Monday, August 18, 2014

ഒരു പ്രതികരണം

ഒന്ന് പ്രതികരിക്കാൻ വന്നതാ 

ഇനി ഈ ടൈപ്പ് എഴുത്ത് വേണ്ടെന്നു വെച്ചതാ (ശരിക്കും നന്നാവാൻ വേണ്ടീട്ടു). പക്ഷെ സമ്മതിക്കൂലെന്നു വെച്ചാ ! 

ഈ പെണ്ണിന് , ആണുങ്ങളെ കണ്ടൂടാ. പുരുഷവിദ്വേഷിയാ, പ്രായം കൂടീട്ടും കെട്ടാതതിന്റെ കുഴപ്പമാ  എന്നൊക്കെ കുറെ കേട്ടപ്പോ ഒന്ന് പറയാന്നു തോന്നി. 

എനിക്കെ ആണുങ്ങളോട് ഒരു വെറുപ്പും ഇല്ല. വെറുക്കണം എന്നതിന് രാഷ്ട്രീയമോ , മതപരമോ, വ്യക്തിപരമോ ആയ ഒരു കാരണവും എനിക്കില്ല.  

കല്യാണം വേണോ ? കുടുംബം എന്നതിൽ വിശ്വാസം വേണോ എന്നൊക്കെ ചോദിച്ചാല് ഒരുത്തിയെ അങ്ങ് പുരുഷ വിദ്വേഷി ആക്കണോ?  കഷ്ടം ചേട്ടന്മാരെ !

ആണുങ്ങൾക്ക് എന്താണ് കുറവ്?  (ഒരു വാലും രണ്ടു കൊമ്പും എന്ന് സത്യവായിട്ടും ഞാൻ പറയൂല) 

എന്റെ അറിവിൽ , വ്യക്തിപരമായ കാരണം ഇല്ലെങ്കിൽ ലെസ്ബിയൻ അല്ലാത്ത  ഒരു പെണ്ണും ആണുങ്ങളെ വെറുക്കാറില്ല. 

ജീവിതത്തിൽ മോശം അനുഭവങ്ങൾ ഉള്ള ഒരുപാട് സ്ത്രീകൾ ഉണ്ടാവും. മോശമായ ഒരു അനുഭവത്തിന്റെ പേരിൽ ആണ്‍ വർഗ്ഗത്തെ മുഴുവൻ സംശയത്തോടെ നോക്കുന്നവർ,അവരെ വിട്ടേക്കു. ചെറിയ കാര്യങ്ങൾ മറക്കാനും പൊറുക്കാനും കഴിവുള്ളത് കൊണ്ടാവും, എനിക്കങ്ങനെ വെറുപ്പൊന്നും ഇല്ല. 

അപ്പൊ What I wanted to say is,

നിങ്ങളീ കരുതുന്ന പോലെ, കുറെ പെണ്ണുങ്ങൾക്ക്‌ ആണുങ്ങളെ കണ്ടാ കലിപ്പാ, അതോണ്ടാ ഇങ്ങനെ എഴുതുന്നെ അങ്ങനെ ഇല്ല. അവർക്കൊന്നും പുരുഷ വിദ്വേഷവും ഇല്ല. 

സ്ത്രീ സ്വാതന്ത്ര്യം പറയുന്ന കുറെ പേരുണ്ടാവും , അതില്ലാത്തവർക്ക് പറയാനല്ലേ പറ്റു. എത്ര പേര് പ്രവർത്തിക്കും?   പിന്നെ പ്രസംഗമൊക്കെ അടച്ചു പൂട്ടി പെട്ടീലാക്കിട്ടല്ലേ അവര് കെട്ടിയോനേം പിള്ളേരേം  നോക്കുന്നെ? അവർക്കാണോ വിദ്വേഷം? 

പിന്നെ കുറച്ചു പേര് കാട്ടിക്കൂട്ടുന്നത് , ഒരു കാര്യവുമില്ലാതെ  ആണുങ്ങൾ (എന്റെ ഭർത്താവും കുടുമ്മക്കാരും ഒഴിച്ച് )   ഒക്കെ മോശമാണ് എന്ന് വിളിച്ചു കൂവുന്നവർ, അവരോടു എനിക്ക് സഹതാപമേ ഉള്ളു. 

അങ്ങനെ ഉള്ള  കുറേ  പേർക്ക് പ്രായത്തിന്റെ  പ്രശ്നവാ. 

അതിനിപ്പോ ഒന്നും ചെയ്യാനില്ല. ജീവിതത്തിൽ കിട്ടിക്കൊണ്ടിരുന്ന attention കുറഞ്ഞു വരുമ്പോൾ ഉണ്ടാകുന്ന ഒരു വികാരം. മെക്കപ്പിന്റെ പരിധി മനസ്സിലാകുമ്പോഴും,  പഴേ ചുരിതാർ ഇടാൻ പറ്റാത്തതിന്റെ വിഷമവും അവരിങ്ങനെ ഓരോന്ന് പറഞ്ഞു തീർക്കും. അതിനു ഒന്നും ചെയ്യാനില്ല.

പിന്നെ പെട്ടെന്ന് ഫേമസ് ആവാം എന്നാ പ്രതീക്ഷയോടെ, ചുമ്മാ കുറച്ചു തെറി കേൾക്കാം എന്നാ ഉദ്യേശത്തോടെ വരുന്നവരും ഉണ്ടാവും. ഈസിയല്ലേ. അതോണ്ട് മാത്രം. 

അപ്പൊ അവരെ ഒക്കെ പുരുഷ വിദ്വേഷി എന്നാ പേരിൽ നിങ്ങളൊക്കെ അവരെ തെറിവിളിച്ചു  പ്രോത്സാഹിപ്പിക്കുമ്പോ , അവര് ഉദ്യേശിച്ച റിസൾട്ട്‌ കിട്ടി. 

അല്ലേലും ആണുങ്ങളെ ഒന്നും പറഞ്ഞില്ലേലും അവർക്ക്  പെട്ടെന്ന് ചൊറിയും, ആ പറഞ്ഞത് എന്നെ ഉദ്യെഷിച്ചാണ് , എന്നെ മാത്രം ഉദ്യെഷിച്ചാണ് എന്നാ തോന്നൽ കുറച്ചു കൂടുതലാ. അല്ലെ? 

എന്നെപ്പോലെ ഉള്ള സാധാരണക്കാരെ ഇതോലോന്നും പെടുത്തല്ലേ, ചുമ്മാ മനസ്സിലുള്ള പൊട്ടത്തരങ്ങൾ വിളിച്ചു പറയുന്നത് ആരോടും ഉള്ള വിദ്വേഷമല്ല. 

ഞാൻ എഴുതിയ പോസ്റ്റ്‌ ആരേലും വായിക്കുന്നതും ഷയർ ചെയ്യുന്നതും കമന്റ്‌ ഇടുന്നതും ആസ്വദിക്കുന്നതു  പോലെ തന്നെ , 

നല്ല പോലെ ഒരുങ്ങി ഇറങ്ങുമ്പോൾ,
"മഞ്ജൂ കൊള്ളാലോ" എന്ന് ഒരു ആണെങ്കിലും പറയണേ എന്ന് ആഗ്രഹിക്കുന്ന സാധാരണ പെണ്ണ് മാത്രമാണ് ഞാനും. 

രണ്ടു കൂട്ടരോടും എനിക്ക് ഇഷ്ടവും  ബഹുമാനവുമേ  ഉള്ളു, ഒട്ടും വിദ്വേഷമില്ല. 
   



 

Blog Template by BloggerCandy.com